Portugal Prime Minister-in banna a theh lut

Portugal prime minister Antonio Costa chuan eirukna kaihhnawiha chhui zingah a tel hnuin, Thawhlehni khan Prime Minister a nihna aṭanga banna a theh lut.

Kum 62 mi, Antonio Costa hi kum 2015 aṭanga khan Portugal PM a ni tawh a, Indian leh Portuguese thlahpawlh a ni. A banna theh luh hi president Mercelo Rebelo de Sousa chuan a pawmsak rin a ni.

Eirukna kaihhnawihah Portugal-a elected official-te chhui mek an ni a, police-te'n hmun hrang hrang an dap mek. Thawhlehni khan Costa chief of staff, Vítor Escári pawh man a ni. Supreme Court chuan thil dik tawk lo tihnaah prime minister hming hman leh, amah ngei pawh a inhnamhnawih nia sawi chungchang pawh chhui mek a nih thu a sawi. Costa chuan an puhna hrang hrangah a fihlim thu a sawi thung.