Moon mission hmasa ber Apollo 8 commander a thi

Astronaut Frank Borman, moon mission hmasa ber Apollo 8-a commander chu kum 95 mi niin November 8 khan Billings, Montana-ah a thi tih nimin khan NASA chuan a puang.

Apollo 8 hian kum 1968 Krismas ni khan thla (moon) vawi 10 hel kualin, a kum leha thlaa inkahkai theihna tur kawng an lo sial a ni. Frank Borman hi he mission commander niin, crew dangte chu James Lovell leh William Anders-te an ni.

December 21, 1968-ah astronaut pathumte chuanna, Apollo 8 hi Florida-a Cape Canaveral aṭangin kah chhuah a ni a, ni thum chhung an thang hnuah December 24 khan lunar orbit an thleng a, December 24 leh 25 khan vawi 10 hel kualin, December 27-ah lei lamah an rawn kir leh a ni. Krismas urlawk ni hian astronaut-te hian orbit-a Bible-a Genesis bu an chhiar chu live-in pek chhuak a ni bawk.