Pope-in US-a bishop a ban

Roman Catholic kohhran hotu, Pope Francis chuan Inrinni khan US bishop Joseph Strickland a ban. US Bishop hi conservative niin, Pope hnathawh dan, thuneihna leh inrelbawl dante hi vawi tam tak a sawisel fo tawh a ni.

Vatican lam chuan bishop ban chungchangah hian thu leh hla engmah an nei lo a, mahse, Texas-a Strickland-a bial vawn mek, Tyler inrelbawl dan chhui chiang tura Pope-in thupek a tihchhuah nen a inkaihhnawih tih US cardinal chuan a sawi thung.

Texas mi tho cardinal Daniel DiNardo chuan June thlaa rawngbawltute tlawh chhuah neih a nih ṭum khan Bishop hi a hna chelhtir reng a rem loh thu report a lo ni daih tawh tih a sawi.

Strickland chu Ningani khan banna thehl ut tura hriattir ni mah se,a tih duh loh avangin Pope hi a inrawlh a ṭul phah ta ni.

Stickland chuan a rawngbawlna aṭanga ban a nih chungchang chu sawiin, "Keima chungchanga complain lut zawng zawng hi ka thlawp vek a ni," tia sawiin, Pope Francis-a'n inkaihruaina ṭhenkhat a sawite chu a bial mipuite a ngaihtuah zawk abangin a zawm ve theih loh thu a sawi. "Tih nawn leh tur pawh ni se, ka ti leh ngat ang, " a ti.

Strickland hi kum 2012 khan bishop atan Pope Benedict XVI-a'n a nemghet a, Pope Francis sawiseltu langsar ber pawl a ni.