Thlipui

Thlipui Ciara tlehin Europe khawmualpui hmarthlang lam ramte a tibuai hle a, nimin khan flight leh rel service eng emaw zat cancel a ni. 

Pathianni khan thlipui hian Britain leh Ireland a nuai animin thleng khan mi sing tel chu power supply  nei loin an awm. Nimin khan he thlipui hian darkar khata km 130-a naa tlehin France ram hmarlam a nuai leh a ni. Thlipui tleh hian thingkung leh electric bante a len tlu nasa hle a, chhungkaw 130,000 vel chuan electric supply an nei lo bawk. 

Britain-ah chuan nimin thleng khan Meteorological Office chuan thlipui, ruah leh vur sur nasa tak a la thleng thei tiin mipuite chu inring turin a la hriattir chhunzawm. Met office meteorologist Alex Burkill chuan Storm Ciara hi reh tawh mah se, khaw awmdan chu a la pangngai loh avangin fimkhur a la ngai tih a sawi. 

Ireland leh Belgium-ah pawh nimin khan orange alert tihchhuah a ni a, flight pawh eng emaw zat cancel an ni. Germany-ah pawh rel service tihtawp a ni bawk.