Brazil President-in senator khin a tum

Brazil President Dilma Rousseff-i chuan state oil company Petrobas-a eirukna lian tham tak thlenga inhnamhnawiha puhtu, senator Delcidio Amaral chu khin a tum tih a sawi.

President Rousseff-i chuan Petrobas-a eirukna thlengah hian telna a neih loh thu sawiin, dik lo taka puh a ni tih a sawi. Chanchinbu pakhatin a kawmnaah, Senator Ameral chuan a hming a tihchhiat avangin khin a tum thu a sawi a ni.

Petrobas company-a eirukna lian tham tak thleng chungchang hi chhui mek a ni a, company hotu leh politician lar eng emaw zat chu man leh chhuizui mek an ni tawh. Heng mite hian Petrobras-a contract pekna turah sum tam tak phutin, an sum lakte chu inthlana campaign-na atan leh thamna pekna atante an hmang nia puh an ni.

Petrobas buaina chhui hna thawh mek hi Operation Car Wash tia vuah a ni a, mipuiten an thlawp ṭha hle. Mahse President Rousseff-i leh a thawhpuite chuan thubuai chhuitu, judge Sergio Moro chu an sawisel nasa hle. An thil chhui danah politics inrawlhah puhin, judge-in action a lak ṭhenkhatte chu dan kalh a ni, an ti.