Pantera leh Lamb of God-in North American Tour nei dawn

American heavy metal band, Pantera chuan nakkum February thla hian Lamb of God nen North American Tour leg 2 an nei dawn tih an puang.

Pantera hian kumin nipui khan North America-ah khawpui 20-ah tour hlawhtling tak an lo nei tawh bawk. Nakkuma Winter Tour an neih tur hi February 3-ah Sunrise, Florida aṭangin an ṭan dawn a, khawpui 14-ah show hi neiin, February 27-ah Quebec City, Quebec-ah an khar ang.

Kum 1981-a Abbott brothers ( guitarist Dimebagg Darrell leh drummer Vinne Paul) te'n an din, Pantera hi a tirah chuan glam metal band angin an ṭan a, a hnuah groove metal, thrash metal leh heavy metal-ahte an lut chho a ni. An band hming hi a tirah chuan Gemini tih a ni phawt a, a hnuah Eternity tiin an thlak leh a, a tawpah Pantera tih hi an vuah nghet ta a ni.