China-a in kangah mi 26 an thi

China hmar lam, Shanxi province-a Luliang City-a in, chhawng lia sang chu an ram huna nimin zing dar 7 khan a kang. Kangmei chhuakah hian mi 26 an thi a, mi 63-te damdawi inah hruai an ni bawk.

Kangmei chhuahna hmun hi coal company,Yongju Coal Industry Joint office building a ni. Kangmei chhuah chhan hi hriatchian a la ni lo a, police-te chuan thu zawh fiah turin mi eng emaw zat an hreng.

State Council chuan kangmei chhuahna hmunah hian chhanchhuah hna thawk turin team a tir nghal bawk. San Francisco-a Apec summit hmanga thang mek, president Xi Jinping pawhin chhiatna thlen dan chu uluk taka chhui tur leh, mipuite leh an thil neihte himna chu ngai pawimawh turin thuneitute a hriattir tawh bawk a ni.

China ramah hian safety standard hi kenkawh ṭhat a nih loh avangin industry lama chhiatna, a bikin kangmei chhuak hi a thleng fo ṭhin. Kumin April 29 khan Beijing-ah damdawi ina kangmei chhuakah mi 29 an thi a, nikum October khan Yinchuan province-a barbecue restaurant-a thil puakah mi 31 an thi bawk.