Spain PM atan Pedro Sanchez thlang

Spain Parliament member-te chuan acting Socialist prime minister, Pedro Sanchez chu an ram Prime Minister atan an thlang.

Ningania Parliament lower house, seat 350 awmnaa vote laknaah, lawmaker 179 chuan Sanchez hi an thlawp.

Kumin July 23 khan Spain hian inthlanpui neiin, center-right Popular party chu vote hmu hnem ber ni mah se, party malin sorkarna an siam pha lo a, an thawhpui dangte nen pawh majority an nei pha lo a ni. Hemi hnu hian seat la hnem ber dawttu, Socialist Party hian party tenau dangte inremna siampuiin, ṭangrual sorkar an siam thei dawn a ni.

Kum 51 mi, Sanchez hi kum 2018 khan Spain prime minister atan thlan lo ni tawhin, hemi kum June 2 khan King Felipe chuan PM atan a la lut a ni. Parliament-ah majority vote a hmuh tak avangin, a term hnihna atan lak luh a ni leh dawn ta a ni.