SKorea-ah Zika virus vei hmu

South America ram hrang hranga leng mek, Zika virus chu South Korea rama mi pakhatin a vei tih hmuhchhuah a ni.

Centers for Disease Control & Prevention chuan nimin khan kum 43 mi, tun hnaia Brazil aṭanga rawn haw chu Zika virus a vei tih fiah a nih thu sawiin, Gwangju city-ah enkawl nghal a ni tih a sawi.

Zika virus hi thosi chi khat, Aedes aegypti seh atanga inkai theih a ni a, he virus hian hian nau piang tharah pianken dik lo, mi pangngai aia lu te leh thluak lam thlenga harsatna te a thlen thei nia sawi a ni. Brazil bakah South America ram eng emaw zatah a darh nasat avangin World Health Organization chuan khaw-vel pum huapin health emergency a lo puang tawh a ni.