Jakarta-ah taxi driver ten nawrh huaihawt

Indonesia khawpui, Jakarta-a taxi driver-te chuan nimin khan transport application Uber leh Grab duh lohna lantirin nawrh an huaihawt a, mipui kalvelna thlengin a nghawng buai hle.

Driver-te chuan mobile apps, Uber leh Grabs apps hman chuan an hlawh thlengin nasa takin a nghawng niin an sawi. Nimin nawrh an huaihawtnaah hian taxi driver ṭhenkhat chuan nawrhna-a tel ve duh lo driver dangte kut thlakin an vau bawk. Taxi driver-te hi bus leh 'bajaj' motorbike driver-ten an zawm bawk.

Uber leh Grab apps te hian Asia rama transportation industry a tibuai tawh hle a ni. Taxi driver-te chuan apps hian driver-te tana dan leh thupek siamte chu an zawm ve a ngaih loh bakah chhiah pawh an chawi ve lo a, hei hian driver-te tan harsatna a siam phah tih an sawi. Nawrh huaihawtte hian Parliament, city adminstration office leh communication ministry pawhtu kawngpui pawimawhte an dang a, khawpui chhungah traffice a jam phah nasa hle.

Indonesia transport ministry pawhin online leh mobile app-based service-te chu public transport-ah register an nih loh avangin heng apps pahnihte hi khap a duh thu a lo sawi tawh a ni. Mahse communication minsitry chuan danin a phalsak niin a sawi thung. President Joko Widodo pawhin technology tharte hi khap loa, hman dan lo thiam a pawimawh zawk niin a sawi.