Human rights chungchangah Obama leh Castro-te inhnial

Cuba ram tlawha zin mek, US President Barack Obama leh Cuba President Raul Castro-te chu human rights chungchangah an in-hnial. Hemi rual hian ram pahnihten inlaichinna ṭha zawk an neih zel theihna tura theih-tawp chhuah an tiam.

Ram hruaitute pa-hnihte hian news confe-rence-ah human rights chungchang, Guantanamo Bay-a America mi tang leh Cuba rama politics vanga tangte chungchang an sawilang a ni. Castro chuan an ramah politics vanga tang nia an sawite chu a list pe sela, a chhuah ngei ang tih a sawi. Mahse White House chuan a hmain list hi a lo pe tawh niin a sawi thung, Castro chuan mitang an hrilhte chu sorkar sawisel vanga man angin a ngai duh lo a ni, an ti.

Castro chuan Guantanamo Bay detention camp chu khar a ṭul thu a sawi bawk a, hei bakah hian America nen an insumdawn tawn theihna turin hrekna an siam pawh hlih belh a ngai tih a sawi.

Obama chuan a hun tak sawi lawk thei lo mah se, sumdawnna lama Cuba hrekna chu hlih vek a ni dawn tih a sawi. "Cuba ram din-hmun siamṭhat chu US emaw, ram dang emaw kutah a awm lo. Cuban mipuite chauhin an tih theih a ni" a ti.