Netanyahu-an US-in a thlawp zel beisei

Israel Prime Minsiter Benjamin Netanyahu chuan United Nations-a Palestinian state dinna tura resolution siam tumah US chuan Israel chu thlawpin a dodal chhunzawm zel a beisei thu a sawi.

Washington-a American Israel Public Affairs Committee (AIPAC) annual conference-a satellite video kaltlanga thu a sawiah hei hi sawichhuakin, Netanuyahu chuan Palestinian nena inremna kawng zawnga inbiakna neih chhunzawm turin a inpeih tih a sawi nghal bawk.

Netanyahu chuan, " Israel nawrna tura Security Council resolution siam chuan Palestinian dinhmun a ti khirh zawk dawn a, hei hian kum tam tak chhung remna leh muanna a awm theihna tur a tichhe thei a ni" a ti. Hei vang hian UN resolution siam tum chu a hma ang bawk a dodal chhunzawm zel a beisei thu a sawi.