Hamas mi hrente chhuahna tur inremna la siam lo

Hamas-te'n Israel an beih ṭuma an mi mante chhuah an nih theihna turin, Israel leh Hamas-te chuan inbeihna titawp lailawk turin inremna an siam nia report a awm a, mahse, Israel leh US chuan inremna siam a la ni lo tih an sawi.

Report chuan Qatar palaina hnuaiah, Israel leh Hamas hian ni nga chhung inbeihna chawlhsan a, hemi chhung hian Hamas-te'n an mi hren civil mite chu darkar 24 dana mi 50 zela chhuah an remti nia sawi a ni. Mahse Israel prime minister Benjamin Netanyahu chua, "Inremna engmah siam a la ni lo," a ti a, hemi rual hian Hamas mi hren mekte chu an lak kir leh vek theihna turin an theihtawp an chhuah mek tih a sawi. US pawhin report hi a dik lo tih a sawi bawk a, mahse, inremna siam a nih theihna atan an bei mek tih White House national security council thupuangtu, Adrienne Watson chuan X-ah a tarlang.