Joe Biden-a'n Gaza-a inkahhai puan a thlawp lo

Gaza Strip-a Israel leh Hamas firfiakte'n indona thleng mekah, ram hrang hrangte inkahhai puang tura an nawr mek laiin, US president Joe Biden chuan Gaza-a inkahhai puan chu a thlawp lo.

President Joe Biden chuan inkahhai puan chuan boruak muanawm a thlen phah dawn lo a, Hamas-te'n ralthuam an chhekkhawl leh an fighter-te an tuaihriamna hun remchang a siamsak zawk dawn a ni, tiin The Washington Post-ah a tarlang. "Hamas-te hian an thuthlung an la vawn chhung chuan, inkahhai hi muanna thlenna tur a ni lo. Hamas member-te'n an dinhmun siam ṭhat a, pawisawi lote that tura tha an thawh tharna tur remchang zawk a ni," a ti. Biden chuan, "Kan tum ber tur chu tuna indona tihtawp ringawt a ni lo a, nakin zelah pawh tharum thawhna thleng ṭhin tihtawp hlen theih hi a ni," a ti. Hemi rual hian Israel pawh beihpui a thlaknaah humanitarian law zah tur leh, civil mite tawrhna a tlem thei ang ber thlen turin a chah.