Myanmar aṭangin Thailand mite hruai chhuak dawn

Myanmar hmar lama Myanmar sipai leh chibing helpawlte inbeihna thleng mek avangin, Thailand chuan China kal tlangin Myanmar-a Thai awmte a hruai chhuak dawn tih Thailand foreign ministry chuan nimin khan a sawi.

Tun hnaiah sipai leh sipar sorkar dodaltu pawlte hi an ram hmun hrang hrangah an inbei nasa a, sipaite hian outpost leh khaw eng emaw zat chu an hloh tawh a ni. Inbeihna a thlen chhunzawm reng avangin Thailand chuan an mi leh sate lak chhuah hi a tum ta a ni.

Thai foreign ministry chuan Thai 266 bakah Filipino leh Singaporean eng emaw zat chu Shan state-a Laukkaing aṭangin lak chhuah an ni a, Myanmar-China border kaltlangin China-ah an luh phalsak an ni a, hemi hnu hian Kunming aṭangin chartered flight pahnih hmangin Bangkok-ah hruai an ni ang, a ti. Bangkok an thlen hnu hian criminal record an nei em tih endik leh vek an ni dawn tih a tarlang bawk.