SAfrica-in inkharkhipna thlahdul

South Africa president Cyril Ramaphosa chuan an rama coronavirus leng chuan a 'peak' a thleng tawh nia sawiin, hri leng vanga inkharkhipna an siamte pawh thlahdul a nih thu a puang. 

Vawiin aṭangin khuah­khirhna tam ber chu hlih a dawn tih President chuan a sawi a, zu leh vaihlo zawrh khapna pawh hlih a ni tawh ang. Sumdawnna hmunte hawn vek an ni tawh ang a, ram chhunga inzinpawhte phal niin, mipui tam vak loa awmkhawmte pawh phal a ni tawh ang. 

President chuan khuah­khirhna thlahdul ni mah se, mipuite chu inthlahdah lo tur leh, fimkhur chhunzawm zel turin a chah. South Africa-ah hian hri kai hmuh chhuah hi 5,70,000 an tling tawh a, mi 11,500 in an thihpui tawh a ni. Hri kai  hmuh chhuah tamna ram panga ni mah se, tun hnaiah hri kai hmuh thar erawh an tlahniam chho tawh a ni. Hri kai mek pawh hi 1,05,000 ni tawhin recoverty rate hi 80% a tling a ni.