Myanmar sipai hotuin civil sorkar thawhpui tiam

Myanmar ram sipai hotu lu, General Min Aung Hlaing chuan an rama civil sorkar thar ding tur chu theihtawp chhuaha thawhpui zel a tiam.

Kum 54 chhung sipai leh a thurualpui rorelna hnuaia an awm hnuah, tunkar hian civil sorkar thar chu lakluh a ni tawh dawn a ni.

Nimina Myanmar khawpui, Naypyitaw-a annual Armed Forces Day parade an neihah he thu hi sawiin, General chuan an ramin hma a sawn zel theihna turin armed forces chuan a thawk zel dawn a ni,a ti.

Armed Forces Day lawmnaah hian tank leh jet fighter hrang hrangte pho lan a ni a, General chuan armed force, 'Tatmadaw' tia sawite chu an rama democracy a din theih nana tuna an dinhmun hruai thlengtu a ni tiin, politics-ah pawh sipite chuan chanvo pawimawh tak an chan chhunzawm zel a ngai tih a sawi.