SKorea-ah hri kai hmuh thar 279 an awm

South Korea chuan nimin khan an ramah Covid-19  kai hmuh chhuah thar mi 279 an awm thu sawiin, hei hi March 8 hnua ni khata hri kai  hmuh tam ber ni a ni. 

Korea Centres for Disease Control and Prevention chuan hri kai hmuh tharte nen an rama Covid-19 kai hmuh tawh 15,318 an awm thu leh, mi 305 in an thihpui tawh thu a sawi. SKorea-ah February leh March thla tir lam kha hri leng hluar lai niin, hemi hnu lamah chuan hri leng hi a ziaawm chho tawh a ni. 

Mahse kai thar eng emaw zat hmuh an nih leh tak avangin hri leng hi hluar chhoh leh hlauhthawnna pawh a lian nghal hle.