Palmyra khawpui enfiah turin mithiamte lut

Syria sipaiten an rama khawpui pawimawh, hmanlai thil hlui leh hlu tak tak awmna khawpui Palmyra chu Islamic State (IS) kut aṭangin an lak let hnuah, IS firfiakte thil tihchhiatte enfifah turin archaelogist-te chu khawpuiah hian an lut ve nghal.

Syria President Bashar al-Assad chuan Palmyra khawpui an la let thei chu hnehna ropui tak a ni thu a lo sawi tawh a ni.

IS firfiakte hian nikum May thla aṭang khan Palmyra khawpui hi an awp a, khawpui chhunga thil hlu tak takte eng maw zat an tichhe hman a ni. Khawvel ram hrang hrang leh, zir mite chuan thil hlu tak tak chu tichhe lo turin an ngen fo a ni.

Khawpui chhung dinhmun enfiah tura archaelogist luttte chuan an beisei aiin thil tihchhiat a lo tam lo nia sawiin, an lawm thu an sawi.

IS hian khawpui an luah chhung hian khawpui laili laia theatre upa tawh tak awm chu an mi mante tihhlumna hmun atan an hmang ṭhin. Mahse Syria sipaite chuan he hmun IS laka beihpui thlakna neih mekah an hmunpui atan an hmang tawh dawn tih an sawi.