Argentina President thar atan Javier Milei thlang

Argentina President thar atan right-wing populist Javide Milei chu thlan a ni.

Pathiannia President thlan thawh hnihna neihah, Milei hian vote tla aṭangin 55.8% a hmu a, a khingpui, rorellai candidate economy minister Sergio Mass chuan 44.2% a hmu.

President atana thlan thar, Milei hi kum 53 mi niin, enconomist leh author a ni bawk. La Liberatd Avanza, libertarian party hruaitu a ni mek. A ṭawngkam na tak leh inhnialna siam thei zawnga ṭawng chhuah a chin avangin US president hlui Donald Trump leh Brazil president hlui Jair Bolsonaro nena khaikhin a lo ni fo tawh.

Milei-a President-na hnuaiah Argentina inrelbawl dan hi a danglam chhoh hle rin a ni a, ram dangte nena insumdawn tawnna thlengin a siam rem rin a ni. Nau tihtlak dodal tlattu a ni a, sex education kalpui pawh thluak insuksak tumna tiin a sawisel. China leh Brazil-te a sawisel fo a, 'communist' ho dawr a tum loh thu a sawi. Lehkhabu pawh eng emaw zat ziak tawhin TV-ah pawh thu a sawi fo a, ama pualin radio show 'Demoliendo mitos' tih a lo nei tawh bawk.