Vietnam-ah African swine fever a leng

Vietnam-a province leh khawpui 20-a commune 155-ah African swine fever a leng a, vawk 4,000 vel  chu an thi tawh niin Vietnam News Agency chuan nimin khan a tarlang.

Vietnam News Agency hian an ram Ministry of Agriculture and Rural Development report tichhuakin he hri leng hi a darhna chance a sang hle niin an sawi a ni. Ministry chuan Thawh­lehni khan an rama province leh khawpui eng emaw zat chu swine fever hi la thutak turin a hriattir a, hmun ṭhenkhatah chuan hma la turin technical staff tirh an tum bawk.

Tun thla tirah pawh khan Ministry hian an rama vawk vulhtute chu an ran vulhte enkawl uluk turin an chah hial a, hri leng vanga vawk thi an tam avangin vawksa man pawh a to phah hle a ni.

Vietnam-ah hian nikum pawh khan African swine fever hi a leng chiam tawh a, vawk maktaduai 5.9 vel an thi a ni.