Japan sorkarin khawlum hnuaiah Mask hmang lo turin mipuite ngen

Japan environment and health ministry chuan khua a lum chhoh zel vangin mipuite chu khawlum vanga an buai phah loh turin, khawlum vanglaia pawn an chhuahin mask vuah  lo turin a ti a, hemirual hian hri leng laka invenna atan mi dangte nen meter 2 dana inhlata awm zel turin a chah. 

Kalphung thar tur kaihhruaina a siamah hian mipuite chu mask vuah chunga hna hah­thlak tak thawh emaw, exercise lak vak emaw ti lo turin a ti bawk. Ministry of environment chuan khawlum hnuaia mask vuah reng chuan heatstroke thlen theihna a tisang tih a sawi. 

In chhunga an awm pawhin tukverhte hawng a, ventilation fan on turin a chah bawk a ni. 

Kum 2018 khan Japan ramah hian khawlum vang hian mi 95,000 vel chu damdawiinah enkawl an ngai a ni.