UFC 252 Miocic a chak; Daniel Cormier a chawl nghal

Nimina UFC 252 fight hmuhnawmah Stipe Miocic chuan unanimous decision (49-46, 49-46, 48-47) hmangin  Daniel Cormier a hneh a, UFC heavyweight chanchina champion ropui ber anga chhal a nihna chu a nem nghet. 

July 2018 khan fighter pahnih hi a vawi khat nan an lo inhmachhawn tawh a, hetihlaia light heavyweight champion Cormier hian mak takin round khatnaah kum 37 mi Miocic hi a hneh - mahse nikum August-ah khan a vawi hnih nan intawngin Miocic a chak a, a vawi thum nan niminah a chak leh ta. 

Kum 41 mi Daniel Cormier-a'n hnehna a chang zo lo a, a chawlh thu a puang zui. American fighter chuan, "Vawi thum kan intawng ta a, a tlawm zawk nih chu hrehawm tak a ni. Mahse, tun hmaa ka hun tawn thim tak ka paltlang ang tho khan ka paltlang leh ang. 

"Thil dang vanga fight hmachhawn ka ni lo a, kei chuan title hi ka duh ber chu a ni. Mahse, thil awm dan thlirin title hi a inchhawp leh mai rih lo a, ka tan chuan a tawp ta a ni. Zin kawng thui tak ka zawh a, a nuam em em a ni," a ti a, fight hmachhawn a tum tawh lo. 

Miocic chuan, "Mi zawng zawngin sulhnu ropui chungchang an sawi a, kei erawh heng thil zawng zawng ka tih theih vanga ka lawmna ber chu ka fanu a ni. Thawhrimna chuan engkim a hneh thei tih a hmaa ka pholang thei hi ka lawm takzet - thil kan ti a nih chuan kan ngaihtuahna leh theihna zawng zawng hlan ila, kan ti thei mai ang," a ti. 

Vawi 23 fight-a hmachhawna a vawi 20 nana chak Miocic chuan Cormier thlah zuiin, "Ka fighter zah em em ṭhin a ni a, fighter ropui tak a ni. Ka duhsakna sang ber ka hlan e, " a ti - Cormier hian a MMA career-ah vawi 26 inhnek hmachhawnin vawi 22 a chak a, vawi thum a tlawm - vawi khat erawh a khingpui Jon Jones-a'n intihchakna a lo hman avangin 'no contest'-ah puan a ni. 

Cormier hi UFC weight division hniha a ruala kawnghren hreng thei pali zinga pakhat a ni a, Conor McGregor, Amanda Nunes leh Henry Cejudo-te nen he record hi an chelh ho - UFC weight division pahniha a title kawl lai humhim thei hmasa ber a ni bawk.

UFC 252 Main Card Results

Weight class    Hming        Hming    Hneh dan     Round    Time

Heavyweight    Stipe Miocic     def.    Daniel Cormier    Decision Via (Eyepoke) (49–46, 49–46, 48–47)    5    5:00

Bantamweight    Marlon Vera    def.    Sean O’Malley    TKO (elbows and punches)    1    4:40

Heavyweight    Jairzinho Rozenstruik    def.    Junior dos Santos    TKO (punches)    2    3:47

Catchweight (149.5 lb)    Daniel Pineda    def.    Herbert Burns    TKO (elbows)    2    4:37

Bantamweight    Merab Dvalishvili    def.    John Dodson    Decision (unanimous) (30–27, 30–27, 30–27)    3    5:00