June thla tawp lamah G7 summit nei dawn

White House Press Secretary Kayleigh McEnany chuan June thla tawp lamah  Group of Seven (G7) Summit White House-ah neih a ni dawn tih a sawi.

White House-a thuthar theh­darhtute a kawmnaah McEnany chuan hemi chungchang hi sawiin president Donald Trump pawhin a ngaihpawimawh thu a sawi a, tun dinhmunah chuan ram dang hruaitute pawhin  President ngaihdan chu an ṭawmpui hle a ni, a ti.

Group of Seven hi international intergovernmental economic organization niin economy ṭhazual ram pasarih intelkhawm a ni a, Canada, France, Germany, Italy, Japan, United Kingdom leh United States-te chu member an ni. 

Heng ram pasarihte hian kum 2018-ah ringawt khan global net wealth ($317 trillion) 58% an nei phak a, global gross domestic product (GDP)-ah pawh 46% aia tam an phak. G7-ah hian  European Union chu invitee niin kumtinin G7 summit hi an nei ṭhin a, hetah hian ram hruaitute lute an tel ṭhin.