US Defence hotuin Ukraine khawpui a tlawh : Sipai chhawmdawlna USD mtd 100 pe dawn

US defence secretary Lloyd Austin chuan puangzar lawk loin Thawhṭanni khan Ukraine khawpui, Kyiv a tlawh. Ukraine sipaite chhawmdawlna tur, USD mtd 100 an pek tur thu a puang nghal bawk.

Austin hian nikum April hnua Ukraine ram a tlawh lehna hmasa ber a ni a, Ukraine president Volodymyr Zelenskyy bakah defence minister Rustem Umerov leh commander-in-chief general Valerii Zaluzhnyi te a kawm. Russia nena an indo meknaah US chuan Ukraine a thlawp tlat thu pawh a hrilh a ni.

US-in Ukraine sipaite chhawmdawlna a pek tur zingah hian anti-tank weapon, air-defence interceptor leh high mobility artillery rocket system (HIMARS) te a tel. President Zelenskyy chuan Austin-a'n an ram a tlawh chu Ukraine tan a pawimawh hle tih sawiin, US-in a puihnaah an innghat nasa hle tih a sawi bawk.