Myanmar : UN agency-a thawkte hmun him lamah insawn

Myanmar sipai leh sipai sorkar dodaltu pawlte inbeihna thleng mek avangin an ram chhunga ram dang mi hnathawk tam tak chu hmun him lamah sawn an ni a, an zingah hian UN agency staff-te pawh an tel.

Sipai sorkar dodaltu, chi bing helpawl hrang hrangte leh democracy sorkar aiawha din, National Unity Government (NUG) leh sipaite hi tun hnaiah an inbei leh nasa hle. China ramri bul, Shan state leh Thailand ramri bul, Kayah state-a inbeihna thleng vang hian ram dang mi tam tak chu an tangkhang mek a ni.

Thailand chuan inbeihna thlenna hmuna an ram mi tangkhang ṭhenkhat chu alo hruai chhuak tawh a, China pawhin ram dang mi thiarchhuahna kawngah hian a pui bawk. NUG chuan Kayah state-a beihpui an thlakna chu state capital, Loikaw-a UN staff leh chhawmdawl hna thawktute hmun him lama an insasengna turin an chawl tih an sawi a, an chawlh chhung hian mi tam tak chu hmun him lamah an insawn nia sawi a ni bawk.

Chhawmdawl hna thawktu eng emaw zat pawh sipaite thununna hnuaia awm, Shan state-a Tuangngyi khuaah sawn an ni tawh bawk a ni.