Finland-in Russia nena an inrina khar vek dawn

Finland sorkar chuan an ram hmar lam, Russia nen an inrina chu khar vek a tum a, hei hi Russia kaltlanga an rama pem lut pung zel tur danna tura tih a nih thu prime minister Petteri Orpo chuan a sawi.

Tun thla chhungin Russia kaltlang hian travel document nei loa European Union-a kal zinga mi 600 vel chu Finland-ah hian an lut tawh a ni. Russia sorkar chu heng pem lutte hi Finland lama kal tura nawrah an puh a, mahse, an puhna hi Russia chuan a pha thung.

Prime Minister Orpo chuan hmar lama border station-te chu khar vek an ni dawn a ni tiin, Russia kaltlanga pem lut zinga tam zawk hi Yemen, Afghanistan, Kenya, Morocco, Pakistan, Somalia leh Syria aṭanga kal an ni tih immigration thuneitute chuan an sawi.