Pakistan-in dan loa lut ram dang mi mtd 1 thawn kir hman tum

Pakistan sorkarin an rama dan lo pem lutte thawn kir beihpui a kalpui mekah, nakkum January 1 thlengin mi maktaduai khat vel thawn kir hman an tum tih Balochistan caretaker information minister Jan Achakzai chuan a sawi.

October 5 aṭanga Pakistan-a pem lut, document nei lote thawn kir hna a kalpuinaah mi nuai 3.4 vel chu thawn haw an ni tawh a, an zinga a tam ber hi Afghanistan aṭanga lut an ni. Sorkar hian document nei loa lutte hi anmahni duh thu ngeia an kir lehna turin hun a siamsak a, hemi chhunga kirte chu sorkar lamin puihna a pe. November 1 thleng khan hun pek niin, hemi hnu hian dan loa awm, mahni rama kir duh lote dap chhuah hna hi a thawk zui a, mi tam tak a thawn haw tawh a ni.