School naupang beih an nih vangin Dublin-ah buaina chhuak

Ireland khawpui, Dublin-ah Ningani khan mi pakhatin chem hmanga a beihnaah naupang pathum leh puitling pahnihin hliam an tuar a, he pawikhawihna thleng vang hian Ningani zan khan mipui thinrim an pungkhawm a, buaina nasa tak a chhuak.

Mipui thinrim pung­khawm hian bungruate tichhiain motorte an hal a, police-te nen an innawr buai zui bawk. Buaina punlun zel tur veng turin Dubln city centre-ah police officer 400 chuang dah belh a ni a, Irish Parliament building pawh ven a ni bawk.

Police-te chuan school pawn lama naupangte beitu hian thurualpui a nei lo nia a lan thu leh, firfiak kaihhnawih thil nia a lan loh thu a sawi. Prime minister Leo Varadkar chuan pawikhawihtu nia hriat hi man a nih tawh thu a sawi a, mahse a nihna erawh sawilan a ni lo.

Hliam tuar zinga hmeichhe naupang kum nga mi chu a nat deuh avangin emergency medical treatment pek a ni. Mipa naupang kum nga mi leh hmeichhe naupang kum ruk mite erawh chu an hliam na llutuk lo nia sawi a ni.