Indonesia-a tlang kang vangin hiker 11 an thi

Indonesia rama Mount Marapi tlang kang vangin hiker 11 an thi a, chin hriat loin mi 12 an la awm mek bawk.

Tlang kang invawrh chhuah lai hian a kanna bulah hian hiker 75 an awm a, a tam zawk chu hmun him lamah an insaseng hman a ni.

Mount Marapi hi feet 9,485-a sang niin, an ram khawthlang lam Sumatara island-ah a awm. Indonesia rama tlang kang thlen fona 127 zinga pakhat a ni a, Pathiannia tlang kang invawrh chhuak hi feet 9,800-a sang a tling a ni. Thuneitute chuan tlang bul ṭhut aṭanga km 3 bial chhunga kal an khap nghal bawk.

Chhanchhuah hna thawktute chuan nimin khan hiker 11-te ruang hi an la chhuak a, chin hriat loa awmte zawn hna an thawk mek bawk a ni.