ISIL-in Philippines-a bomb tipuaktu an nih thu sawi

ISIL (ISIS) firfiak pawl chuan Pathiannia Philippines chhim lama Catholic mass nei lai bomb-tu an nih thu an sawi. Mass neih laia bomb puakah hian mi pali an thi a, hliam tuar eng emaw zat an awm.

Nimin khan ISIL chuan Telegram-ah thuchhuah siamin,'Marawi khawpuia Kristiante pun khawmna hmunah kan sipaite chuan bomb an tipuak a ni," an ti.

Philippine president Ferdinand Macros Jr chuan he pawikhawihna thleng hi a dem thu sawiin, he thilah hian ram dang firfiakte inrawlhah a lo puh tawh a, defence secretary Gilberto Teodoro pawhin press conference a neihah ram pawn lam mi inrawlhna chiang tak a awm niin a lo sawi tawh bawk.

Police-te chuan pawikhawihna thleng kaihhnawihah hian mi pahnih thu an zawh fiah thu nimin khan an sawi a, an hming erawh an puang zar lo.