Russia President-in UAE leh Saudi Arabia tlawh dawn

Russia president Vladimir Putin chuan vawiin hian United Arab Emirates (UAE) leh Saudi Arabia a tlawh dawn a, naktukah Russia-ah Iran President nen an inhmu dawn bawk.

Russia parliament, Kremlin thupuangtu Dmitry Peskov chuan President Putin-a'n khawvela oil thawn chhuak tam ber, Saudi Arabia leh UAE a tlawh turah hian oil market chungchang a sawipui tur zingah a tel niin a sawi a, thil dang a sawipui tur erawh a puangzar tel lo. Putin hian UAE a tlawh hmasa ang.

Dubai hi Russian oil company-te tana sumdawnna hmunpui pawimawh tak pakhat a ni tawh a ni. Saudi Arabia-ah crown prince Mohammed bin Salman a hmu bawk ang.

Russia President hi kum eng emaw chen chu ram pawn lamah a zin chhuak khat hle a, a zin chhuah ve pawhin Soviet Union hnuaia awm ṭhin ramahte a ni. Heng bak ram dang a tlawh hnuhnun ber chu October thlaa China rama a zin kha a ni.