Israel-in Indonesia nena inzawmna ṭha siam duh

Israel Prime Minister Benjamin Netanyahu chuan Indonesia leh Israel-ten inlaichinna ṭha an siam a duh thu a sawi.

Israel Foreign Affairs Ministry mikhual, Indonesian journalist rualte chuan Thawhṭanni khan PM Netanyahu hi an kawm a ni. Netanyahu chuan, ram pahnihte chuan thawhdunna ṭha an siam a hun tawh tih sawiin, "Water leh technology field lamah thawhdunna hun remchang ṭha tak kan nei a ni' tiin, Africa, Latin America leh Russia nen inzawmna nghet zawk an neih thu sawiin, Indonesia nena an inkar boruak pawh siamṭhat a ngai tawh a ni, a ti.

Ram pahnihte hian palai an intir tawn lo a, mahse tourism leh sumdawnna lamah chuan inzawmna an siam thung a ni.

Hetihlai hian Israel sorkar chuan Turkey rama an mi leh sa awmte chu a rang thei anga chhuahsan turin Thawh-
ṭanni khan a hriattir. March 19-a Islamic State (IS) firfiakten Istanbul an beih
ṭum khan Israel mi khualzin pathum an thi tel a ni. Hei vang hian Thawhṭanni khan PM office chuan thuchhuah siamin, Turkey chu IS leh firfiak pawl dangten an beih leh mai hlauhthawnawm a nih thu sawiin, Israel mite chu Turkey chhuahsan turin a hriattir a ni.