Myanmar sipai hotuin armed group-te vau

Myanmar sipai hotu lu ber, Min Aung Hlaing chuan an ram sipaite bei mektu, hnam bil armed group hrang hrangte chuan buaina chinfel dan ngaihtuah turin a ti a, chumi ni loa a taka an che chhunzawm zel a nih chuan an bial chhunga chengte'n a nghawng na tak an tuar dawn a ni, tiin a vau.

Min Aung Hlaing chuan,"Mipui nawlpuite dinhmun an ngaihtuah tel a ngai a, heng pawl hrang hrangte hian an buaina hi an chinfel a ngai a ni," a ti.

Tun hnaiah armed group hrang hrang leh Myanmar sipaite hi an inbei nasa a,China, India leh Thailand ramri bulah te inbeiin, kum 2021-a sipaite civil sorkar thuneihna an hnehchhuh hnua inbeihna nasa ber an tawng mek a ni. October thla aṭang khan inbeihna thlengah hian civil mi 250 chuang an thi tawh a, mi sing tel chu himna zawngin an tlanchhe tawh bawk niin United Nations chuan a sawi.