Baghdad-a US embassy rocket-in kap

Iraq khawpui, Baghdad-a US embassy chu nimin zing khan rocket pahnihin kah a ni a, mahse, thil tihchhiat lian tham a nei lo a, thi an awm lo niin embassy thupuangtu chuan a sawi.

Rocket kaptu hi Iraq rama Iran thlawp, firfiak pawlte tih nia an hriat thu US lam chuan an sawi a,mahse, nimin tlai thleng khan eng pawl mahin an tih a nih thu an la sawi lo.

October thla laihawl vel khan Iran thlawp, Shiite Muslim helpawl intel khawm chuan Iraq leh Syria-a US sipaite hmunpui chu an lo bei tawh bawk. He armed group-te hi Islamic Resistance tih hmingin an che a, Hamas-te'n Israel an beih hnuah Israel thlawptu US sipaite hmun hi ṭum 70 chuang an bei hman tawh a, mi 60 chuangin hliam an tuar.