Pakistan PM ban phutin eptuten kawng zawh

Pakistan-a eptu party 11 ṭangrual, Pakistan Democratic Movement chuan Pathianni khan prime minister Imran Khan ban phutin Lahore-ah kawng an zawh. 

Hripui leng avangin mipui punkhawm khap ni mah se, eptu pawlte hian khuah­khirhna siam hi bawhchhiain mi sing tel chu kawng zawh tur hian a punghawm a ni. 

PM Khan chu bang turin an phut a, politics-a sipai inhnamhnawih dante chu an sawisel a ni. Eptu pawlte hian an ram khawpui, Islamabad-ah nakkum January thlaah Khan-a kaihhruai sorkar chu bang tura phutin kawngzawh pui tham tak huaihawt an tum bawk a ni. 

Eptu ṭangrual pawlah hian prime minister hlui Nawaz Sharif leh Benazir Bhutto party-te pawh an tel a ni. 

Pathiannia Lahore-a kawng zawhte hian Khan-a kaihhruai sorkar hnuaiah an ram economy a tlahniam nasa a, thil man a sang chak hle thung tih an sawi. An ram sum dinhmun siamṭhat a nih theihna atan sorkar chu bang a, inthlan ṭhat neih thuai an phut tih an sawi.