US State Department-in Israel hnena tank ammunition hralh remti

US Senate-in President Joe Biden-a immigration leh border policy thlak tura nawrna atana indona hmachhawn mek, Ukraine leh Israel tana chhawmdawlna pek belh a dilna an hnawlsak hnuah, US State Department chuan Israel hnenah emergency-a tank ammunition 14,000 hralh a remti.

Israel hian Gaza Strip chhim lamah beihpui a thlak chhunzawm mek a, hemi atana hian tank ammunition hi a mamawh belh a ni. US-in a leitir tur hi USD mtd 106.5 hu a tling a, 120 mm High Explosive Anti-Tank Multi-Purpose 13,981 leh Tracer tank cartridge pawh a tel a, Army inventory aṭangin lei tir an ni ang.

State Department chuan Israel hnena ralthuam hralh an remtih thu hi kar liam ta Zirtawpni khan Congress a hriattir. Emergency sale a nih avangin Congress a paltlang kher a ngai lo a ni.