Germany-in khuahkhirhna khauh zawk hmang dawn
Germany chuan an rama hri darh zel tur venna atan naktuk aṭanga nakkum January 10 thleng khuahkhirhna khauh zawk a hmang awn a, dawr tam zawkte khartir an ni ang.
Chancellor Angela Merkel chuan Pathiannia federal state 16 hruaitute nena meeting an neihnaah he thu hi sawiin, khuahkhirhna tihnep hi duh mah se, Krismas vuakveta bazar te aṭangin hri inkai darh theihna a sang hle tih a sawi a, hei vang hian khauh zawka khuahkhirhna hi siam a ṭul a ni, a ti.
December 16 aṭang chuan nitin khawsakna atana mamawh zawrhna supermarket, pharmacy leh bank-te chauh hawn phalsak an ni dawn a, hair salon, beauty salon leh tattoo parlour-te chu khar vek tura tih an ni.
Hripui leng vanga sumdawnna harsatna tawk company-te puihna turin sorkar chuan thla khat atan euro tluklehdingawn 11 ( USD tld13.3) a ruahman a, sumdawnna hmun khar tirte chu thla khatah fixed cost aṭang 90% emaw, euro 500,000 chin emaw pek an ni dawn tih finance minister Olaf Schloz chuan a sawi.
Germany-ah hian hri leng vangin kar ruk chhung partial lockdown puan ani tawh a, bar leh restaurant-te khar niin, dawr leh school-te erawh hawn a ni thung. Mahse Nilaini aṭang chuan school-te pawh khar an ni dawn a, mi panga aia tam awmkhawm khap a ni bawk. Mahse Krismas pual bikin chhugkuaten he hun hi an lawm theihna turin awmkhawm thei zat hi thlahdul deuh a ni ang.