Canada-ah Hotel dinna sawn nan sahbawn hmang

Canada-a Halifax, Novoa Scotia-a hotel hlui pakhat, ṭhiah tura tih chu ṭhiat loin a dinna hmun an sawn a, building awmna hmun sawnna atan hian roller aiah sahbawn tlang 700 zet an hmang tel.

He building hi kum 1826-a sak niin, Vicotrian Elmwood Hotel-ah siam zui a ni a, kum 2018 khan ṭhiah tura tih a ni. Mahse real estate company, Galaxy Properties chuan he bulding hi leiin, a dinna hmun hi sawn a, apartment building bula dah a tum a ni.

Elmwood building hi ton 22 zeta rit a ni a, a awmna hmun sawn hna hi S Rushton Construction in a thawk. Hnathawkte hian an tihdan ṭhin, roller hmang loin sahbawn an hmang. Excavator pahnih leh tow truck pakhatin pawtin, sahbawn-a an tihnal hmangin building hi feet 30-a thui ṭha takin an hnuk tawlh a ni.