US House-in President Biden chhui chianna tur a pawm

Republican rorelna, US House of Representative chuan president Joe Biden chhui chian rawtna a pawm.

House-a vote laknaah, President Biden laka impeachment inquiry neih hi member 221 in an thlawp a, a thlawp lo lamah vote 212 a tla. Republican member chuan a thlawp lamah an vote vek a ni. An chhui chiannaah Presidetn hian a ti dik lo tih finfiah a nih chuan, President a nihna aṭanga paihthlak theih a ni ang.

President Biden chhui chianna tur hi a fapa, Hunter Biden chet dan kaihhnawih thil a ni. Hunter hi dik lo taka a pa nihna hmanga China leh Ukraine-a sumdawnna lam kalpui leh, hlawkpuina atana hmang ṭangkaiah puh a ni bakah, chhiah awlruah puh a ni bawk. Hetih lai hian President Biden chuan he thil hi thu belhchian dawl lo niin a sawi thung a, Republican-te chu America mipuite puihna tur lam ngaihtuah lo a, dawt hmanga amah leh a chhungte beihna ringawt ngaihtuahah a puh.

Biden hian nakkuma US President thlanna neih turah chuh a tum thu sawi tawhin, a campaign ṭan tawh a ni.