Thailand police-ten Meth tablet mtd 50 an man

Thailand police-te chuan Myanmar nena an inrina bulah methamphetamine tablet maktaduai 50 an man a, ṭum khata an rama meth pill an man tam ber ṭum a nih bakah, Asia khawmuala ṭum khata meth pills man tam ber dawttu a ni.

Meth tablet hi truck hnungah phurin, Kanchanaburi province-a security checkpoint-ah an lo man a, truck-a chuang mipa pakhat leh hmeichhe pakhat man an ni bawk. Centre for Addiction Studies report chuan Bangkok-ah meth pill khi baht 30 vel niin a tarlang a, tun ṭuma police-ten an man hi an ram pawisa chuan baht tld 1.5 man a tling.

Asia khawmuala ṭum khata Meth pill man tam ber chu kum 2021 October thla khan niin, Laos ramah meth pills hi mtd 55 man a lo ni tawh a ni.