Hmaituam duh lo vangin Madrid-ah pungkhawm

Spain khawpui Madrid-a Plaza Colón-ah Pathianni khan mi eng emaw zat pungkhawmin, Covid-19 hri leng vanga hmaituam ngei ngei tur tih sorkarin thuchhuah a siam leh, khuahkhirhna dang a siamte duh lohna an lantir. 

Ram chhunga hri leng vangin sorkar chuan khuahkhirhna hrang hrang a siam a, hei hi mipui pungkhawmte hian duh loin sorkar laka lungawi lohna an lantir a ni. Pungkhawmte hian sorkar demna thu ziakte an ken bakah an au el zui bawk. 

Hri darh tur venna atan May thla khan public transport-a lirthei chuangte chuan an hmai an tuam ngei ngei tur a ni tiin sorkar chuan thuchhuah a lo siam tawh a ni. Mahse Covid-19 vanga thi mi 29,000 dawn a awm tak avangin Spain sorkar chuan ram pumah pawn chhuahnaah hmai tuamna hman  vek tur tih chu thuchhuah a siam phah a, hei vang hian mipuite chu an lungawi lo a ni. 

Heng bakah hian kar liam taa Spain sorkarin Covid-19 vanga inkhuahkhirhna thar a tihchhuaha puipunna hmuna mi dangte metre 2 tala hlat thei lote meizuk khap a nih thu te leh lamna hmunte kharna thupek a siam avangin mipuite hi an lungawi lo bawk a a ni.