Putin-a'n Russia mipuite hnenah ngaihdam dil

Russia president Vladimir Putin chuan an rama thil man sang avangin ram mipuite hnenah ngaihdam a dil.

Ukraine an run avangin khawthlang ramte chuan Russia hi kawng hrang hrangin an hrek a, hei vang hian ram chhunga nitin mamawh mante a sang chho chak hle a ni. Tun hnaiah TV-a zawhna leh chhanna hun a hmanah, Russia President hian a thil sawi khat tak, ram mipuite hnena ngaihdam dilna thu hi a sawichhuak a ni.

Russian statistical agency, Rosstat-in a tarlan danin, Russia ramah hian artui man sanna hi kumin October thla khan 13% niin, November-ah 15% a tling chho leh bawk. Nitin khawsakna tana mamawh hrang hrang pawh a man a sang chho vek a, November thla khan kum khat chhunga thil man sanna hi 7.4% tlingin, hei ai hian a la sang chho leh maithei niin Putin chuan a sawi bawk. President chuan thil man sang zel tur an thunun thei lo chu sorkar hlawhchhamna a ni tih a pawm thu a sawi.