Russia President inthlanah independent-in Putin-a'n chuh dawn

Russia President thar thlanna neih turah, president ṭanglai Vladimir Putin chuan an party ticket-a chuh loin, independent candidate angin a chuh dawn niin sorkar hnuaia RIA news agency chuan a sawi.

Putin hian kum 20 chuang Russia president leh prime minister dinhmun a chelh tawh a, nakkum March thlaa President thlanna neih turah chuh leh a tum tih a puang tawh bawk a ni. Mahse he hunah hian rorel lai, United Russia (UR) party candidate angin a chuh dawn ta lo a ni.

Kum 71 mi, Putin hian independent candidate angin inthlan hi chuh tum mah se, a tling tur chiang saah ngaih ni thung.