Australia-ah ruah sur nasa avangin insawn turin hriattir

Australia hmar lam, Queensland state-ah ruah nasa takin a sur a, tuilian a thlen palh hlauhthawn avangin nimin khan mi tam tak chu hmun sang lamah insawn tura hriattir an ni.

Queensland thunei­tute chuan state khawpui Brisbane aṭanga km 1,700 vela hlaa tourist hub, Cairns khaw dai chu tuilian hian a chim ṭan tawh niin an sawi. Ruah a la sur chhunzawm zel avangin heng hmuna chengte hi hmun sang lamah insawn tura hriattir an ni a, tui level hi kum 1971-a tuilen nasat ber, feet 13.45 ai pawhin a sang thei dawn niin khawchin zirtute chuan an sawi.

Cairns khaw hmar lam, Daintree Village-ah pawh ruah sur nasa avangin tui a lian ṭan tawh a, Inrinni khan ruah hi inchs 13.8 vel a sur a ni.