Israel-Hamas war : Hamas-ten military facility atan Hospital an hmang ṭhin : Hospital Director

Gaza Strip-a Kamal Adwan Hospital director, Ahmad Kahalot chuan Gaza-a hospital hrang hrangte chu Hamas firfiak pawl chuan military facility atan an hman ṭhin ngei thu a sawi.

Israel Security Agency (ISA) in thu a zawhfiahnaah, Ahmad Kahalot chua Hams-te hian Gaza Strip-a hospital-te chu an ralthuam thurukna atan leh an mi leh sate awmna atan an hmang ṭhin tih sawiin, Israel sipai an mante pawh hospital-ah hian an hruai tih a sawi bawk.

Israel Defence Force (IDF) leh ISA hian December 12 khan Kamal Adwan Hospital-ah Kahalot hi an man a, kum 2010 aṭang khan Hamas zingah a tel tih a sawi. "Kum 2010 khan Hamas-ah hian Brigadier General rank-ah lakluh ka ni. Hospital-ah Hamas hnuaia Izz ad-Din al-Qassam Brigades tana thawktu tam tak an awm a, hengte hi doctor, nurse, paramedic, clerk leh staff member-te an ni," a ti.

Kahalot chuan hospital chu hmelmate lak aṭanga him nia an ngaih avangin Hamas member-te hian bihrukna atan an hmang ṭhin tih sawiin, an hospital ngeiah pawh thawktu, doctor, nurse leh midangte zingah al-Qassam-a nihna nei mi 16 an awm tih a sawi. Hamas hian an mi man leh rukbote hruai kualna atan ambulance an hmang ṭhin tih sawiin, heng ambulance-te hian damlo leh hliam phurhna kawngah an pui ve ngai lo tih a sawi bawk.