SKorea-in khuahkhirhna kalpui leh

South Korea chuan an rama hrileng a ziaawm chhoh avanga khuahkhirhna a siamte a thlahdul  hnuah, hri leng thawh hnihna thleng tur venna atan kar hnih chhung atan khuahkhirhna a siam thar leh. 

Health miister Park Neung-hoo chuan vawiin aṭang hian Seoul metropolitan area-a museum, park leh art gallery-te chu kar hnih chhung khar an ni leh dawn tih a sawi. Company-te pawh an hnathawh hunbi te siamṭha leh tura tih an ni bawk. 

Hri darh tur venna atana pawimawh, social distancing dan pawh hman a ni leh bawk a ni. 

Ningani khan South Korea-ah hian hri kai mi 79 hmuh chhuah thar leh an ni a, April 5 hnua nikhata hri kai hmuh chhuah an tam ber ṭum a ni. Hei vang hian an ramah hri leng thawh hnihna a thlen hlauhthawnna a lian hle.