EU ram ṭhenkhatin hydroxychloroquine hman khap
World Health Organisation (WHO) in Covid-19 kaite enkawlna atana malaria damdawi, hydroxychloroquine hman enchhin mek a nih thu sawiin, clinical trial neih chhung chu he damdawi hi hmang tawh rih loh a rel hnuah, Europe-a France, Italy leh Belgium ramte chuan hri kai enkawlna atana he damdawi hman hi an khap zui nghal.
France chuan hri kai na zualte enkawlna atana doctor-ten hydroxychloroquine an hman a lo phalsak tawhna chu a titawp a, Italy leh Belgium official-te pawh in clinical trial neih nan bak he damdawi hi hmang chhunzawm tawh lo turin an ti bawk.
Hetih lai hian US president Donald Trump leh Brazil president Jair Bolsonaro chuan hri kai na zual enkawlna atana hydroxychloroquine hman hi an thlawp thung. Salvador president Nayib Bukele pawhin he damdawi hi a ei tih a lo sawi tawh bawk a ni.