China Parliament-in Hong Kong security bill a pawm

China Parliament chuan Hong Kong mipuiten an sawisel leh duh lohna lantira nawrh an huaihawt phahna, Hong Kong security law thar siamna tur bill chu a pawm. 

Security law siam thar hmang hian China security agency-te chuan Hong Kong-ah hmun neiin, an thawk nghal thei tawh dawn a ni. He bill hi China sorkarin an zalenna a rahbeh sakna tur nia sawiin Hong Kong mipuite chuan an duh lo hle a, nawrh pawh an lo huaihawt tawh a ni. Mahse China thlawp, Hong Kong hotu Carrie lam chuan he dan thar siam tur hi inlakhran duhtu leh dan bawhchhetute bitumna tur zawk niin a sawi a, Hong Kong mipuite dikna chanvo leh zalenna neihte chu a nghawng dawn lo niin a sawi. 

China Parliament-in bill a pawm tak avangin rorellai Communist Party Standing Committee hnenah thawn leh a ni ang, kumin August thla chuan law-ah chantir hman a nih rin a ni.