China-in Mount Everest teh ṭha

Khawvela tlang sang ber, Mount Everest san zawng teh ṭha tura kal, China survey team chuan Nilaini khan tlang chhip thlengin an teh zo a,  tlang san zawng hi  metre 8,844.43 a nih thu an tarlang.

A hmaa Mount Everest san zawng tehnaa rin ber chu Nepal teh a ni a, a san zawng hi meter chu 8,848 m  nia sawi a ni. Mahse China team hian an  teh ṭhat hnuaah Nepal-in a lo teh tawh aiin a san lam hi a hniam ta zawk a ni. 

China team hian Tibet lam aṭangin he tlang hi an lawn chhuak tih China media-te chuan an tarlang. Chinese tech firm Huawei chuan Mount Everest-ah hian 5G station siam a tum bawk a ni.